On Jul 3, 2016 5:30 PM, "mezohe" <wow.jvs@gmail.com> wrote:
>
> 2016-07-03 16:11 Bruno Panasiewicz:
>
>>
>> i ku'i —sei pensysku— ti na fatci i ny na krici lo se xusra be ty je cu
>> skuna
>> — lu mi birti lo du do jifsku i e'e sai ko jetnyja'o li'u
>> i ty flirymlu lo ka se vlagunta i ku'i na nabmi ty i spusku noi'a li'a
>> tolcumla sinxa vau
>> — lu ju'o do jinvi lo du na sai fadni i pei fadni fa lo nu vofli i pei
>> fadni fa lo nu ca zi ku mi jitro lo do flira sluji li'u
>> i ny manci zgana lo flira noi jarco lo vrici zu'e nai ny i
>> — lu au dai mi jetnyja'o ba'e ma i — sei sa'a lo voksa cu tcesuksa — lo
>> po'o voi mi djica da'i lo ka go'i ki cu nu vimcu lo ca se vedli do li'u
>> i ca tau lo fanmo valsi so'u mei cu krixa noi'a spaji li'a i lo ny risna
>> cu desku je cu jarco lo du ny tceterpa i
>> — lu ai mi dunda fi do fe lo ka zifre lo ka surla li'u cu se skuna ty noi
>> tolplo lo xadni ne bu'u lo sfofa je cu denpa
>> ni'o ba za lo nungo'i ny randa skuna
>> — lu je'e i do jai drani li'u
>> i ty co'a zi geisni mutce i
>> — lu ui do zmadu ji'i 300 je so'a da lo ka trina i lo bi'u nai xo'e mei cu
>> te vimcu lo se vedli i ku'i ba'e do jai banzu lo ka cmima mi'a je cu djuno
>> za'u da lo cuntu be mi'a je ba bo a'o mi'o li'u
>> i ny sutra sanli je cu junri skuna
>> — [to'i skuna ba'e ma
>> i e'e do stidi lo selsku i e'e cai
>> mi'e la uakci toi]
>>
>
> lu «.ai pei fau gi mi mo'a va'ei capyju'i gi ja'a ku do mi gunta co se vedli vimcu» li'u
> [to'i .e'a sai na tinbe lo noi la'a cinri na ku se stidi toi]
[to'i mi sruma lo ka zifre lo ka zarcpa lo be fi da mabla ku ji'a toi]
i ny na ganse lo ka snura i se mu'i bo skuna
— lu pei fau lo nu mi za'o selcapxu'a kei do vimcu fi mi tai ke bi'u nai dai ji'i 300 da li'u
i ty mi'afra co selzdi je cu skuna
— lu go'i i ku'i u'e dai so'u sai da mukti lo ka tai xusra kei do i lo menli be ba'e do do se pinfu tau lo se morji i lo nu xusra lo natfe be lo tsali se vedli cu so'u va'e cumki — sei sa'a ze'i denpa — i ru'i ku do voi ki lo ki menli cu pinfu i mi ji'a go'i li'u
i ny manci so'i da i pa mai ty tceprije je cu tsali sai tau lo nunsnu i re mai lo pu zi se facki cu ue dai fatci i ca ze'a ku ny smaji sanli i ty jai zunti lo nunynonzu'e fai lo ka pluka voksa troci skuna
— lu ti na xamgu i ai mi zvagau do lo jai se djica be do i do zifre tau ke ji'a lo mi'a stuzi i do mo li'u
[to'i ko xusra tau lo te spuda iau e'e sai
mi'e bornei toi]