i mi do tugni lo du'u frili fa lo nu stika
i ku'i ki'unai lo se go'i lo camxes zei ui zei stura cu raktu fi noda
i ji'a no xamgu cu jalge lo nu stika tu'a zo lu joi zo ui kei ki'u la'e di'e
i tu'e
lo iak zei ui zei stura no'u lu
{lu {ui {broda i brode}} li'u}
li'u
ji'a frica lo smuni stura
ija'ebo sarcu fa lo nu gau fancu lo gerna stura lo smuni stura
i ji'a ro lo re gerna stura zo'u lo nu pilno lo re javni no'u la'e di'e cu sarcu gi'e banzu vau lo nu gau fancu
i ke'u la'e lo su'a UI zei cmavo cu galfi la'e lo li'erla'i stura (to javni xi pa toi)
ije ku'i la'e lo UI zei cmavo poi lidne pi ro la text cu galfi la'e lo jufra pamoi be la text (to javni xi re toi)
(to sei na cusku sarcu se'u lo kunti ku ji'a me la text toi)
i va'o lo nu ro lo re javni cu se pilno kei lo javni xi re cu galfi lo te pruce be fi lo javni xi pa
i lo te frica be lo iak zei ui zei stura bei lo camxes zei ui zei stura cu po'o jei vajni fa lo se porsi be fi lo re javni
tu'u
i ja'o lo nu galfi lo ui zei javni lo sarxe be la iak cu pruce fi no xamgu .e za'u piso'o pluja