Le jeudi 2 avril 2015 23:42:33 UTC+9, la stela selckiku a écrit :
ni'oru'e lo cilce pe'a jbobau zo'u: mi zgana so'i nu ma'oi {si} srana lo nu gerna je nai smuni ku'i vimcu .i mu'a lo jbopre ca lo cafne cu xalbo je ciska cusku lo simsa be lu mi mutce lo ka xebni si nelci li'u (to .u'u ru'e no'e melbi mupli .i ku'i .a'o lo morna cu slabu do .i mutce cafne selpli toi) .i ciska ke'u .i kakne je'u lo nu mulno vimcu .i ku'i .irci ciska pilno zo {si} lo nu xalbo .i pe'i no'e jbosarxe gi'e milxe lo kamymalrelsmu se mu'i lo nu mi finti zo {si'u'i} te zu'e lo nu sepli .i zo {si'u'i} simsa zo {ze'ei} po ma'oi {si} lo ka rinka lo nu lo valsi cu pilno fi lo nunsmuni .e nai lo ku'i nungensu'a .i zo {bu} milxe simsa gi'e jai pruce fi lo ku'i sumti .i zo {si'u'i} ca'e .e zo {ze'ei} .e'u ru'e jai pruce fi lo gerna kunti fi'o simsa zo {to} .e zo {sei}
mi'e .telselkik.
.i .iesai zo si'u'i je'u mapti lo mukti no'u la'e di'u
.i .iesai zo si'u'i jo'u zo ze'ei simsa zo to jo'u zo sei
.i semu'ibo ge zu'u mi na tugni fi lo du'u zo ze'ei cu se pilno tezu'e lo nu tamgau
gi zu'unai pe'i lo mi mupli no'u lu
pruxi ze'ei la'e lo te pemci noi morsi cu ru'i jmive ne'i lo pemci
li'u cu mapti lo jai tai pilno be zo ze'ei
mu'o