Re: [jbosnu] Re: loi cecla

["Jorge Llambias" <jjllambias@hotmail.com>]

la adam cusku di'e

> > i do sruma le du'u le nu ponse lo xacyce'a cu sidju le ponse le nu
> > bandu le se zifre i pe'i na xamgu tadji
>
> i romoi lo'i tadji gi'e a'o noroi sarcu

i va'o da'i le nu le turni cu se rinju do lo se zifre kei do ka'e
zukte ma sepi'o lo cecla i xu do catra lo pulji a lo sonci i la'anai
do ka'e catra le truralju

> i va'o le xlarai tcini no drata tadji cu cumki se jalge le nu zifre i
> le turni na sarxe le nu naltrubi'o

i le turni cu jalge le nu le cecmu cu ganzu le cecmu i pe'i le do
se darlu cu dukse le ka sucta i ju'osai mi ka'enai fapro le gu'etru
sepi'o lo cecla i do ma fargau le cecla ja'e le nu bandu lo se zifre

> > i le cecmu cu terxacygau le pulji tezu'e le nu le pulji
> > cu seltibgau lei flalu poi le cecmu cu tu'irsi'u
>
> i ro jinzi se zifre cu jinzi gi'enai se krasi le cecmu a le turni

i mu'a ro remna cu jinzi zifre le nu catra lo drata remna
i le cecmu cu jdice le du'u so'e nu catra cu zekri

> i le
> nu le cecmu ka'e fosli fi le se djica cu palci to zo fosli valsi le
> tcaci smuni be zo bapli i le fosli cu gasnu ije le se fosli cu randa
> ije le te fosli cu se za'e bapli toi

i loi remna cu cecmu danlu i segu ma'a nelci gi le cecmu ro ma'a ca'a
rinju le nu ro ma'a zukte i ma'a ka'e troci le nu galfi ja stika lei
cecmu flalu poi na nelci ke'a i ku'i pe'i lo cecla na sidju fi la'e
di'u

> i le nu le se cecmu cu saxsi'u na se sarcu le nu fosli da i
> le nu fosli cu so'aroi se jalge le dukti po'u le nu le se cecmu cu
> tolsaxsi'u zenba i so'acai remna cu se jinzi le ka panpi je sarxe i le
> nu fosli cu xlali tadji gi'enai sarji le ka saxsi'u

i ie i la'e di'u krinu so'e cecmu na curmi le nu le cmima cu bevri
lei cecla bu'u lei gubni i le nu panpi cu zmalakne le nu tolzvati
fa lei cecla

mu'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.