Re: [jbosnu] Re: loi cecla

["Jorge Llambias" <jjllambias@hotmail.com>]

la adam cusku di'e

> le nu do xanka cu nabmi do gi'enai krinu
> le nu lo drata cu rinji i so'a remna cu racli gi'enai jai krinu le nu
> do xanka

i ku'i mi na se steci le ka xanka le nu lo lamji cu te xarci
i pe'i le nu so'e prenu mi kansa le nu cinmo la'e di'u cu krinu
le nu so'e cnemu na curmi le nu cecla bevri bu'u lei gubni

> i so'acai remna so'acairoi racli i mi na jimpe le du'u ji'u makau
> jinvi lo drata

i mi na jinvi lo drata i ku'i lo rirci nalracli poi te xarci fi
lo cecla cu ckapymau lo rirci nalracli poi na te xarci

> i xu ca le nu do penmi lo'e cnino kei do jinvi la'e lu
> kajde mi i ti ba la'a fenki su'oroiku li'u i xu do gunta lo drata va'o
> le nu no da flalu gi'a turni

i li'a na go'i i mi ta'e lacri ro penmi be mi i ku'i ro penmi
ta'e na te xarci i pe'i ca le nu mi penmi lo cecla te xarci kei
mi xanka

> i ru'a da zekri nerkla le zdani be do ca le nicte i do zmanei le nu
> ponse je'inai ponse lo xacyce'a

i mi na ponse lo xacyce'a i mi zifre le nu ponse xy gi'e ralte xy
ne'i le zdani i ku'i mi cuxna le nu na ponse i pe'i le zekri nerkla
ckape cu mleca le cecla zvati ckape

mu'o mi'e xorxes




_________________________________________________________________________
Get Your Private, Free E-mail from MSN Hotmail at http://www.hotmail.com.