Re: [jbosnu] Re: loi cecla

["Jorge Llambias" <jjllambias@hotmail.com>]

la adam cusku di'e

> > >le turni na sarxe le nu naltrubi'o
> > i le turni cu jalge le nu le cecmu cu ganzu le cecmu
>
> i na'e se sarcu jalge

i cumki i ku'i fatci jalge

> i le cecmu ka'e sezganzu secau le nu da turni cy

i mi senpi le du'u le ca remna cecmu be loi so'o gigdo ka'e snada
le nu ca'a go'i

> i mi noi pamei ka'e gasnu no da i ku'i le nu so'i se
> cecmu cu xacyce'a ponse cu so'iroi krinu le nu le turni cu djica le nu
> na ri'urgau loi se cecmu

i xu fatci i xu do se slabu lo mupli i le mo turni cu na'e ri'urgau
le se cecmu ki'u le nu so'i cmima be le cecmu cu xacyce'a ponse
i la'e di'u na mapti le mi se lifri i le turni ka'enai zukte secau
le nu piso'ejiso'i le se cecmu ty sarji

> i ji'a sebainaibo so'i se cecmu poi xacyce'a
> ponse ka'e bandu lei se zifre be vo'a

i lei so'i xacyce'a ponse ma fargau lei py xacyce'a i xu le gugde
jenmi sonci i pe'i la'e di'u na sidju py le nu bandu lei se zifre

> > i mu'a ro remna cu jinzi zifre le nu catra lo drata remna
> > i le cecmu cu jdice le du'u so'e nu catra cu zekri
>
> i na jetnu i no remna cu jinzi zifre le nu catra lo drata remna i na
> srana le du'u le cecmu cu jdice makau

i ma jinzi i iepei le du'u makau jinzi cu marde

> > i loi remna cu cecmu danlu i segu ma'a nelci gi le cecmu ro ma'a
> ca'a
> > rinju le nu ro ma'a zukte
>
> i za'a so'aroi go'i i ku'i na eicai go'i i no da krinu le nu le cecmu
> cu ri'urgau lo se cecmu

i le nu ganzu cu se sarcu lo nu rinju i la'e di'u krinu i lei se rinju
cu jdima le te ganzu i li'a ro se rinju na xamgu i le cecmu cu ze'e
stika le du'u le mokau rinju cu se zanru

> i le nu bevri le cecla bu'u le gubni na nibli le nu djica le nu fosli
> da

i na nibli i ku'i le nu lo prenu cu mutce zmadu lo drata le ka vlipa
cu se lakne le nu fosli

> i la'a sezbandu djica

i li'a mi do frica le ka se lifri

> i ro se flalu cu se pulji lo fosli i le nu flalu no'u le nu fosli na
> sarcu le nu ganzu lo cecmu i ro sarcu cu nu ro se cecmu cu sinma le nu
> ro drata se cecmu cu zifre i zifre le nu sezbandu sepi'o lo xacyce'a
> kei ji'a

i va'o le nu ro cecmu cmima cu sinma le nu ro drata cmima cu zifre kei
ma nitcu le nu sezbandu i ma gunta i ju'ocai ba'e mi na djica le nu
pagbu lo cecmu poi ro cmima be ke'a cu roroi bevri lo cecla i va'o
le nu pa fenki cu jdice le nu na nelci mi gi'e celpi'o kei mi mi na
lacri le nu sutra banzu pilno le da'i mi cecla le nu bandu

> i no jinzi se zifre cu sumji le se djica be da zu'u le se djica be de
> zu'unai i ro da poi remna ku'o ro de poi da djica ke'a zo'u da jinzi
> zifre de ijo le nu gasnu de se rinji no drata remna le nu gasnu le se
> djica

i la'e di'u cinri je melbi gi'e ku'i pe'i malsampu i mu'a xu ca
le nu ko'a ba'o catra lo drata remna kei ko'a jinzi zifre le nu
ko'a pinfu no da

> > i pe'i le zekri nerkla
> > ckape cu mleca le cecla zvati ckape
>
> i lo'e xacyce'a poi se pilno ta'i le drani na ckape

i li'a go'i i ckape fa lo'e xacyce'a poi se pilno ta'i le naldrani
i le go'i mi se terpa

mu'o mi'e xorxes



_________________________________________________________________
Get your FREE download of MSN Explorer at http://explorer.msn.com/intl.asp