Re: loi cecla

["Adam Raizen" <araizen@newmail.net>]

la xorxes cusku di'e

> >le turni na sarxe le nu naltrubi'o
> 
> i le turni cu jalge le nu le cecmu cu ganzu le cecmu 

i na'e se sarcu jalge i le cecmu ka'e sezganzu secau le nu da turni
cy

> i pe'i le do
> se darlu cu dukse le ka sucta i ju'osai mi ka'enai fapro le gu'etru
> sepi'o lo cecla i do ma fargau le cecla ja'e le nu bandu lo se zifre

i li'a do tolsre i mi noi pamei ka'e gasnu no da i ku'i le nu so'i se
cecmu cu xacyce'a ponse cu so'iroi krinu le nu le turni cu djica le nu
na ri'urgau loi se cecmu i ji'a sebainaibo so'i se cecmu poi xacyce'a
ponse ka'e bandu lei se zifre be vo'a

> > > i le cecmu cu terxacygau le pulji tezu'e le nu le pulji
> > > cu seltibgau lei flalu poi le cecmu cu tu'irsi'u
> >
> >i ro jinzi se zifre cu jinzi gi'enai se krasi le cecmu a le turni
> 
> i mu'a ro remna cu jinzi zifre le nu catra lo drata remna
> i le cecmu cu jdice le du'u so'e nu catra cu zekri

i na jetnu i no remna cu jinzi zifre le nu catra lo drata remna i na
srana le du'u le cecmu cu jdice makau

> >i le
> >nu le cecmu ka'e fosli fi le se djica cu palci to zo fosli valsi le
> >tcaci smuni be zo bapli i le fosli cu gasnu ije le se fosli cu
randa
> >ije le te fosli cu se za'e bapli toi
> 
> i loi remna cu cecmu danlu i segu ma'a nelci gi le cecmu ro ma'a
ca'a
> rinju le nu ro ma'a zukte

i za'a so'aroi go'i i ku'i na eicai go'i i no da krinu le nu le cecmu
cu ri'urgau lo se cecmu

> >i le nu le se cecmu cu saxsi'u na se sarcu le nu fosli da i
> >le nu fosli cu so'aroi se jalge le dukti po'u le nu le se cecmu cu
> >tolsaxsi'u zenba i so'acai remna cu se jinzi le ka panpi je sarxe i
le
> >nu fosli cu xlali tadji gi'enai sarji le ka saxsi'u
> 
> i ie i la'e di'u krinu so'e cecmu na curmi le nu le cmima cu bevri
> lei cecla bu'u lei gubni i le nu panpi cu zmalakne le nu tolzvati
> fa lei cecla

i le nu bevri le cecla bu'u le gubni na nibli le nu djica le nu fosli
da i la'a sezbandu djica

i ro se flalu cu se pulji lo fosli i le nu flalu no'u le nu fosli na
sarcu le nu ganzu lo cecmu i ro sarcu cu nu ro se cecmu cu sinma le nu
ro drata se cecmu cu zifre i zifre le nu sezbandu sepi'o lo xacyce'a
kei ji'a

[...]

> >le nu do xanka cu nabmi do gi'enai krinu
> >le nu lo drata cu rinji i so'a remna cu racli gi'enai jai krinu le
nu
> >do xanka
> 
> i ku'i mi na se steci le ka xanka le nu lo lamji cu te xarci
> i pe'i le nu so'e prenu mi kansa le nu cinmo la'e di'u cu krinu
> le nu so'e cnemu na curmi le nu cecla bevri bu'u lei gubni

i no jinzi se zifre cu sumji le se djica be da zu'u le se djica be de
zu'unai i ro da poi remna ku'o ro de poi da djica ke'a zo'u da jinzi
zifre de ijo le nu gasnu de se rinji no drata remna le nu gasnu le se
djica

> i pe'i le zekri nerkla
> ckape cu mleca le cecla zvati ckape

i lo'e xacyce'a poi se pilno ta'i le drani na ckape

mu'o mi'e adam