Re: [lojban-beginners] mi klama ma

[Jorge Llambías <jjllambias@gmail.com>]

coi feliks .i di'e su'o mei pinka lo do xe fanva

On Sun, Apr 11, 2010 at 7:28 AM, Felix <felix.duesenburg@googlemail.com> wrote:
>
> le zdani fi'o cpana le kortu'a
>
> fi'e la .uiliam.xop.xodjysyn.
> fi'o fanva la feliks.duizynburg.
> ra'i zoi gy. William Hope Hodgson: The House On The Borderland gy.

.i lu fi'o cpana ko'a li'u se smuni lo du'u ko'a cpana .i pe'i do
djica lu fi'o se cpana li'u

> sei ti se krasi le xanselci'a poi ke'a pu se facki la tónison. ce la béregnog. de'i la pabizezenanc. ne'i le selspo ne'u le sosyzda me'e la kreityn. ne'i le stici pagbu be la gugdairland. gi'e se ckupra jo'u pinka

.i lo fatci cu se facki .i lo dacti cu se tolcri

> .i po'o le brife mecygau caivru
> .e le se gusminra
> be le selklaku ru'u le mluni

.i pe'i zo jdikygau .e zo kadgau cu xagmau zo mecygau
.i lu le gusminra be le selklaku bei ru'u le mluni be'o li'u .i do nitcu zo be'o

> no'i ko smagau gi'e tinju'i

.i pe'i lu ko smaji li'u

> .i ko na selsna gi'e tinju'i
> le cutci poi stapa le zu selcirko cedra
> .e le sance poi pikci lo nu do mrobi'o

do nitcu zo ku'o lo nu le cutci na stapa le sance

> ni'oni'o no mo'o
> le nu le tercku ku selgausau be fa le xanselci'a

.i zo selgausau cu se smuni ma .i do xusra lo du'u ge le tercku gi le
xanselci'a cu selgausau

.i mi na birti lo du'u zoi gy author's introduction to the manuscript
gy cu se smuni lo du'u ge'i kau lo tercku co'a se slabu lo xanselci'a
gi lo tercku cu gasnu lo nu lo velcku co'a se slabu lo xanselci'a

> no'i se barda le cacra temci ca le nu mi pensi le lisri poi preja loi balvi papri

.i e'u zo jersi cu basti zo balvi


> no'i le cukta be le xanselci'a goi ko'a .i mi xanri ko ca le nu mi co'a kurji ko'a gi'e kucli carna ko'a gi'e gasnu lo sutra juxre nu lanli ko'a .i cmalu je ku'i rotsu selcku ko'a

 .i lu le cukta be le xanselci'a be'o goi ko'a li'u .a lu ko'a goi le
cukta be le xanselci'a li'u

> .ije le da'a lei so'u romoi papri cu culno le lirflira je denmi je ku'i tidycu'i xanselci'a

.i zo da'a mintu lu da'a pa li'u .i e'u lu ro na'e bo lo so'u boi ro
moi papri li'u

.i zo lirflira cu se smuni ma

> .i mi ganse le nalsau je blecpina je kevjau selsumne ne'i le mi terzbi ca ca'o le nu mi ciska .ije le mi degji cu morji le ka ranti je malbakfu be le zu cilmo papri

.i pe'i lu clatei cilmo papri li'u .a lu ze'u zei cilmo papri li'u .i
lu zu cilmo papri li'u cu se smuni lo du'u lo nu cilmo papri cu temci
darno da

> no'i mi pu tcidu .ije ca ca'o le nu tcidu kei pe'a mi lafti le murta be lo tolcu'i poi gasnu lo ka nalviska'e be le menli

.i mi zmanei lu ca lo nu ca'o tcidu kei li'u va'o lo nu zo ca'o srana
zo tcidu .enai zo lafti

.i xu zo pe'a srana lo nu tcidu

.i ji'a do nitcu zo be'o va'o lo nu le murta .enai lo tolcu'i cu casnu

> .ije mi pu viska ze'o lo nalju'o

.i zo ze'o cu sinxa lo se zvati .enai lo farna .i lo nalju'o cu prenu
.i pe'i lu mi pu catlu lo nalterju'o li'u cu banzu

> .i ne'i loi tinsa je suksa jufra mi pu kaskla gi'e ca na kakne lo nu darlu fi le suksa selsku ki'u le du'u le ni le nalmu'o lisri cu kakne lo nu benji le ro da poi le sepli xabju be le zdani poi ba'o canci cu pu djica lo nu cusku cu zmadu le ni le mi nu troci zbasu be lo jufra cu kakne

.i .oi .au pilno lo tinsa je suksa jufra bau la lojban ji'a zo'o

>  .i le nu facki be fi le nenri lisri cu se bilga le ro tcidu du'i lo kakne ja djica

.i lu du'i lo kakne ja djica li'u cu se smuni lo du'u lo kakne ja
djica cu dunli .i xu do skudji lo du'u lo nu kakne ja djica cu dunli
lo nu bilga

>.ije ganai lo tcidu cu fliba lo nu viska du'i le nu mi ca viska be le ctino pixra .e le sidbo be le zasti noi selcu'i lo du'u ke'a se cmene la cevzda je daptutra gi ku'i mi kakne lo nu nupre lo cnidu'e ki'u lo nu jimpe lo du'u le lisri cu po'o lisri

.i zo cevzda .e zo daptutra .enai la cevzda je daptutra cu cmene .i zo
cevzda cu cmene la cevzda

.i ji'a pe'i lu nupre lo nu cnidu'e seja'e li'o li'u


> no'i vu ne'i le stici pagbu be la gugdairland. cu se zvati le tcecma sosyzda me'e la kreityn.

.i lu po'u la kreityn li'u

.i la'a zo stuzi cu xagmau lu se zvati li'u

> .i ri sepli zvati re'o le jicmu be lo nalga'u cmana

.i e'u lu ri nonkansa re'o lo jicmu be lo dizlo cmana li'u

> .i vi'a ve'u ru'u le go'i se preja lo driji'u je tolvi'ecpe kutytu'a noi ne'i ke'a ve'u di'inai se cumki lo nu facki be lo fesli'a je ctino je drucau zdani

.i do nitcu zo cu lo nu lidne lu se preja li'u

> no'i ku'i ki'unai le ka driji'u kei le mi pendo be fa la tónison. ce mi puki cuxna ky. tezu'e lo nu xaksu be le mi'a nalgundei

.i do nitcu zo be'o lo nu na xusra lo du'u la tónison ce do cu pendo
.i do na nitcu lo ro moi me zo be

.i uo mi mo'u tcidu .i a'o lo mi pinka cu sidju

mu'o mi'e xorxes

-- 
You received this message because you are subscribed to the Google Groups "Lojban Beginners" group.
To post to this group, send email to lojban-beginners@googlegroups.com.
To unsubscribe from this group, send email to lojban-beginners+unsubscribe@googlegroups.com.
For more options, visit this group at http://groups.google.com/group/lojban-beginners?hl=en.