[lojban-beginners] mi klama ma

[Felix <felix.duesenburg@googlemail.com>]

coi ro do

.a'o ti na fanza do mu'i le nu vi ca'o casnu noi bancu le mi kakne be le ni lanli
.i mi djica lo nu djuno le ni mi srera be le ni'a xe fanva be zoi .ueb. http://www.gutenberg.org/files/10002/10002-h/10002-h.htm .ueb.
.i mi cfari le nu cilre be le lojbo pu lo masti be li so'u .ije le nu mi gunka le go'i cu ze'a di'inai cafne
.i mi ba ckire do lo selji'i
.i .u'i lo glico danfu cu xamgu

mu'o mi'e feliks.

----------------------------------------------------

le zdani fi'o cpana le kortu'a

fi'e la .uiliam.xop.xodjysyn.
fi'o fanva la feliks.duizynburg.
ra'i zoi gy. William Hope Hodgson: The House On The Borderland gy.

sei ti se krasi le xanselci'a poi ke'a pu se facki la tónison. ce la béregnog. de'i la pabizezenanc. ne'i le selspo ne'u le sosyzda me'e la kreityn. ne'i le stici pagbu be la gugdairland. gi'e se ckupra jo'u pinka

ni'oni'o sei pemci fi'o te friti le mi patfu
to noi le ke'a jamfu cu stapa le zu selcirko cedra toi

no'i ko kargau le vorme
gi'e tinju'i
.i po'o le brife mecygau caivru
.e le se gusminra
be le selklaku ru'u le mluni
.e .a'u le nu canci stapa
be fa lo cutci
bei ne'i le nicte ku kansa loi morsi

no'i ko smagau gi'e tinju'i
le nu badri krixa
be fa le brife ne'i le manku
.i ko na selsna gi'e tinju'i
le cutci poi stapa le zu selcirko cedra
.e le sance poi pikci lo nu do mrobi'o
.i ko smagau gi'e tinju'i .i ko smagau gi'e tinju'i

sei me'e le le morsi ku cutci

ni'oni'o no mo'o
le nu le tercku ku selgausau be fa le xanselci'a

no'i se barda le cacra temci ca le nu mi pensi le lisri poi preja loi balvi papri .i mi lacri le du'u le mi ganse cu na srera le mi seljdi be fa le du'u mi na stika le datnynoi .ije mi minra le krasi selci'a

no'i le cukta be le xanselci'a goi ko'a .i mi xanri ko ca le nu mi co'a kurji ko'a gi'e kucli carna ko'a gi'e gasnu lo sutra juxre nu lanli ko'a .i cmalu je ku'i rotsu selcku ko'a .ije le da'a lei so'u romoi papri cu culno le lirflira je denmi je ku'i tidycu'i xanselci'a .i mi ganse le nalsau je blecpina je kevjau selsumne ne'i le mi terzbi ca ca'o le nu mi ciska .ije le mi degji cu morji le ka ranti je malbakfu be le zu cilmo papri

no'i mi pu tcidu .ije ca ca'o le nu tcidu kei pe'a mi lafti le murta be lo tolcu'i poi gasnu lo ka nalviska'e be le menli .ije mi pu viska ze'o lo nalju'o .i ne'i loi tinsa je suksa jufra mi pu kaskla gi'e ca na kakne lo nu darlu fi le suksa selsku ki'u le du'u le ni le nalmu'o lisri cu kakne lo nu benji le ro da poi le sepli xabju be le zdani poi ba'o canci cu pu djica lo nu cusku cu zmadu le ni le mi nu troci zbasu be lo jufra cu kakne

no'i piso'u le sampu je tinsa datnynoi be le cizra je nalfadni fasnu cu selsku mi .i le sego'i cu preja ca'u do .i le nu facki be fi le nenri lisri cu se bilga le ro tcidu du'i lo kakne ja djica .ije ganai lo tcidu cu fliba lo nu viska du'i le nu mi ca viska be le ctino pixra .e le sidbo be le zasti noi selcu'i lo du'u ke'a se cmene la cevzda je daptutra gi ku'i mi kakne lo nu nupre lo cnidu'e ki'u lo nu jimpe lo du'u le lisri cu po'o lisri

mu'o mi'e .uiliam.xop.xodjysyn. de'i li paze pi'e pare pi'e pasonoze

ni'oni'o pa mo'o
le nu facki be le xanselci'a

no'i vu ne'i le stici pagbu be la gugdairland. cu se zvati le tcecma sosyzda me'e la kreityn. .i ri sepli zvati re'o le jicmu be lo nalga'u cmana .i vi'a ve'u ru'u le go'i se preja lo driji'u je tolvi'ecpe kutytu'a noi ne'i ke'a ve'u di'inai se cumki lo nu facki be lo fesli'a je ctino je drucau zdani .i le ve'e tumla cu lunbe gi'e kunti lo prenu .i le dertu cu naltce gacri le rokci poi cnita le go'i zi'e poi ke'a seltce le tumla zi'e poi ke'a ve'a di'inai galtu tai lo boxna ga'u le dertu

no'i ku'i ki'unai le ka driji'u kei le mi pendo be fa la tónison. ce mi puki cuxna ky. tezu'e lo nu xaksu be le mi'a nalgundei .i ty. pu snuti facki ky. ca le prula'i nanca ca'o lo nu ze'u dzukla gi'e facki le fipkalte cumki ne'i lo cmalu je cmecau rirxe re'o le korbi be le sosyzda

no'i mi pu cusku le du'u le rirxe cu claxu lo cmene .i mi .ei jmina le du'u no tumcartu poi se pilno mi pu le cabna cu pu jarco le sosyzda .a le rirxe .i ri simlu le du'u ze'e rivbi lo nu zgana .i je'a se cumki le du'u ri ze'e na'e zasti du'o roda poi lo gidycku cu cusku .i fi'o cumki le go'i cu sepa'u se krinu le du'u le jbirai renytcana to la .árdraxan. toi cu zvati va lo minli be li ji'i vono

-- 
You received this message because you are subscribed to the Google Groups "Lojban Beginners" group.
To post to this group, send email to lojban-beginners@googlegroups.com.
To unsubscribe from this group, send email to lojban-beginners+unsubscribe@googlegroups.com.
For more options, visit this group at http://groups.google.com/group/lojban-beginners?hl=en.