Re: [lojban] sivni jikca

[Jorge Llambías <jjllambias@gmail.com>]

lo ka mipri ce'u cu srana lo ka ma kau djuno fi ce'u .i lo ka ce'u
sivni cu srana lo ka ma kau jitro ja pilno ce'u .i lo ka sivni cu
zmadu lo ka se mipri kei lo ka kuspe

.i mu'a lo zdani be mi cu sivni mi gi'e ku'i na se mipri mi .i so'i
prenu cu djuno fi lo mi zdani .i mi na mipri zy

.i lo nu casnu ka'e sivni lo casnu .i la'e di'u na nibli lo du'u lo
casnu cu mipri lo nu casnu .i nibli lo du'u lo na'e casnu cu na zifre
lo nu pagbu lo nu casnu

mu'o mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.