Re: [lojban] Re: 4 independent "vocabularies" is the biggest problem of lojban.

[Jacob Errington <nictytan@gmail.com>]

.i coi

.i la .iesk. di'e cusku
> .i pe'i lo pilno .io be lo lobybau be'oku ka'e zmadu lo pante be tu'a lo
> lobybau be'o lo ka ce'u ba'e gleki lo lobybau doi la gleki vau zo'o
>
> .i .e'u se'i mi za'e jukpa lo ckafi caku vau .u'i
>
> (I say {za'e} because the English gloss of {jukpa} seems to imply that it
> not be used for preparing beverages, although I think it should. Or is there
> another word?)
>
> -iesk

.i zo za'e va'o se pilno naku .e'u .i ie lo glico ve ciksi cu xlura fi
da .ijeku'i da jai jitfa .i sa'u mi jinvi lo du'u lo ka jukpa cu ka
zbasu pe'apei lo ba se citka ja se pinxe .i ji'a seja'eda'i lo nu zo
jukpa ckini naku lo se pinxe kei ma paunairu'e valsi lo si'o zbasu
pe'apeike'u lo se pinxe

no'i ie lo ba'e pilno co jbobau cu gekmau lo ba'e pante .i ku'i lo
ba'e pilno cu ba'e binxo lo ka pante vau vau .u'i .i lo nu pilno cu se
jalge lo nu facki lo du'u makau nabmi kei kei .e lo nu djica lo nu
cikre .i ku'i lo ka cikre cu ba'e nandu .i naku lo ka jai stika lo
jbobau cu jai se curmi vau .i'enairu'eta'o .i ku'i seja'eda'i lo nu
stika jai se curmi naku kei ma'a mo paunairu'e tezu'e lo nu mo'u nabmi
.i ku'i naku lo ba'e gerna ca traji lo ni ce'u nabmi lo jbopli .i mi
jinvi lo du'u lo du'u finti makau poi valsi cu vajni traji .i nandu fa
lo ka jdice lo du'u makau mapti ke za'e satcrdjargoni (to .u'u za'e
zei zi'evlafi'i toi) valsi co jbobau .i ji'a .eisai lo kakne co nei cu
finti lo lojbo cfika jonai nalcfika .i ju'ocu'i .ei gunka tu'a la
jbo'yuitkipedias .i ku'i la'e di'u mi cinri zei milxe vau da'i .i .ei
ji'a finti da poi lisri (to mi mu'a co'e .i finti lo se cukta toi) .i
mu'a ji'a mi ckire zei mutce la selpa'i lo ka finti lo sance vreji co
lojbo lisri be fa mu'a lo me mi moi no'u la balselfri be la ceitsa
pamoi be'o ku no'u la cizra zarci .i lo da'i nu do jundi lo lojbo ke
girzu be fi'o uebre la fircku cu se jalge la'a lo nu do djuno lo du'u
sy finti

ni'o sei mi carmi co zgana .u'i di'u barda mutce .u'u .i pe'a bitmu co
selsku sei mi glimlisku .i .a'o naku lo da'i tcidu cu tcidu be naku
zu'ejdi .i ku'i to'usai lo jbobau cu banli gi'eku'i .ei ba'e banro
.e'esai

.i mi'e la tsani mu'o

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban?hl=en.
For more options, visit https://groups.google.com/groups/opt_out.