[Date Prev][Date Next][Thread Prev][Thread Next][Date Index][Thread Index]
Re: [lojban] Re: 4 independent "vocabularies" is the biggest problem of lojban.
la tsani cu cusku di'e
.i la .iesk. di'e cusku
.i pe'i lo pilno .io be lo lobybau be'oku ka'e zmadu lo pante be tu'a lo
lobybau be'o lo ka ce'u ba'e gleki lo lobybau doi la gleki vau zo'o
.i .e'u se'i mi za'e jukpa lo ckafi caku vau .u'i
(I say {za'e} because the English gloss of {jukpa} seems to imply that it
not be used for preparing beverages, although I think it should. Or is there
another word?)
-iesk
.i zo za'e va'o se pilno naku .e'u .i ie lo glico ve ciksi cu xlura fi
da .ijeku'i da jai jitfa .i sa'u mi jinvi lo du'u lo ka jukpa cu ka
zbasu pe'apei lo ba se citka ja se pinxe .i ji'a seja'eda'i lo nu zo
jukpa ckini naku lo se pinxe kei ma paunairu'e valsi lo si'o zbasu
pe'apeike'u lo se pinxe
.u'i .i zo'o .ei ro jbopre cu tai lojycpa .i ie pe'i va'o lo nu lo nu
pilno lo ca zasti gismu cu na banzu zo'u: .ei gy se stika ja'e lo nu
binxo lo ka lo nu pilno ce'u cu banzu .i so'e roi na sarcu fa lo nu
stika fi lo ba'e *barda* .i lo cmalu nu stika cu se jalge lo barda nu
xagze'a .i ja'o mi do fo zo jukpa cu tugni
no'i ie lo ba'e pilno co jbobau cu gekmau lo ba'e pante .i ku'i lo
ba'e pilno cu ba'e binxo lo ka pante vau vau .u'i .i lo nu pilno cu se
jalge lo nu facki lo du'u makau nabmi kei kei .e lo nu djica lo nu
cikre .i ku'i lo ka cikre cu ba'e nandu
ni'o pu zu vu djica fa lo gunma be lo prenu lo nu zbasu lo banli dinju
.i ro da te sidbo lo pu'o da'i dinju lo cinri be ba'e *da* ra'u .i se
cau lo nu platu kansi'u cu tolsti lo nu gunka .i kalsa ue cu'i .i ku'i
ziljmina lo nabmi fa lo nu su'o prenu cu djica lo nu lo dinju cu ba'e
*na* se zbasu .i zmanei lo nu da'i lo foldi cu stodi lo ka kunti lo
dinju .i se ja'e ku ca ku ge lo prenu cu djica frica simxu gunka da gi
su'o boi py cu na sai gunka djica .i (to ta'o lo dinju cu pu no roi
mulbi'o toi)
ni'o to'u ie li'a da jai nandu fai lo nu co'e da fa lo ficysi'u be lo ka
ce'u djica lo nu da binxo ma kau
.i naku lo ka jai stika lo
jbobau cu jai se curmi vau .i'enairu'eta'o .i ku'i seja'eda'i lo nu
stika jai se curmi naku kei ma'a mo paunairu'e tezu'e lo nu mo'u nabmi
ie .i mi jinvi lo du'u sarcu fa lo nu lo nu stika cu se curmi kei lo nu
xagzengau lo dei bangu
.i ku'i naku lo ba'e gerna ca traji lo ni ce'u nabmi lo jbopli
ni'o ie la'a na ba'e *traji* .i se ju vajni .i lo nintadni .e lo pu'o
da'i nintadni cu ta'e pante lo nu lo lojbo gerna cu pluja dukse .i mi
sanji lo du'u do na jinvi lo du'u lo jbobau pu na jai se platu fai lo nu
frili fa lo nu crebi'o .i ku'i la'a do tugni fa lo nu da'i na ba'e
*xlali* fa lo nu frili
ni'o ji'a na ku lo nintadni ku po'o to'e se mansa lo tcila be lo gerna
.i .ai gasnu lo nu lo bi'u nai tcila cu se stika
.i mi
jinvi lo du'u lo du'u finti makau poi valsi cu vajni traji
ju'o vajni mutce
.i nandu fa
lo ka jdice lo du'u makau mapti ke za'e satcrdjargoni (to .u'u za'e
zei zi'evlafi'i toi) valsi co jbobau .i ji'a .eisai lo kakne co nei cu
finti lo lojbo cfika jonai nalcfika .i ju'ocu'i .ei gunka tu'a la
jbo'yuitkipedias .i ku'i la'e di'u mi cinri zei milxe vau da'i .i .ei
ji'a finti da poi lisri (to mi mu'a co'e .i finti lo se cukta toi) .i
mu'a ji'a mi ckire zei mutce la selpa'i lo ka finti lo sance vreji co
lojbo lisri be fa mu'a lo me mi moi no'u la balselfri be la ceitsa
pamoi be'o ku no'u la cizra zarci .i lo da'i nu do jundi lo lojbo ke
girzu be fi'o uebre la fircku cu se jalge la'a lo nu do djuno lo du'u
sy finti
ki'e do'u .i jungei lo du'u da zanru lo mi se finti .i mi so'i roi na se
jungau da lo du'u da jinvi ma kau lo me mi moi
ni'o sei mi carmi co zgana .u'i di'u barda mutce .u'u .i pe'a bitmu co
selsku sei mi glimlisku .i .a'o naku lo da'i tcidu cu tcidu be naku
zu'ejdi .i ku'i to'usai lo jbobau cu banli gi'eku'i .ei ba'e banro
.e'esai
.e'e sai
mu'o mi'e la selpa'i
--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban?hl=en.
For more options, visit https://groups.google.com/groups/opt_out.