Re: [lojban] Re: 4 independent "vocabularies" is the biggest problem of lojban.

[iesk <pa.fae@gmx.de>]

ni'o la selpa'i cu cusku di'e
> ni'o pu zu vu djica fa lo gunma be lo prenu lo nu zbasu lo banli dinju 
> .i ro da te sidbo lo pu'o da'i dinju lo cinri be ba'e *da* ra'u .i se 
> cau lo nu platu kansi'u cu tolsti lo nu gunka .i kalsa ue cu'i .i ku'i 
> ziljmina lo nabmi fa lo nu su'o prenu cu djica lo nu lo dinju cu ba'e 
> *na* se zbasu .i zmanei lo nu da'i lo foldi cu stodi lo ka kunti lo 
> dinju .i se ja'e ku ca ku ge lo prenu cu djica frica simxu gunka da gi 
> su'o boi py cu na sai gunka djica .i (to ta'o lo dinju cu pu no roi 
> mulbi'o toi)

ni'oni'o ba'e zo'o ka'u tu'e ni'o puzuku ro le lobypli cu kakpa le canre  .i la pamoi lobypli goi ko'a cu cusku «lu doi lobypli do'u lemi kevna na mulno  .iki'ubo mi bilga lenu zenba kakpa li'u»  .ije rai ko'a ro le lobypli cu zenba kakpa  .i lenu kakpa cu nandu selzukte  .isa'unaibo cafne fa lenu lenu kakpa vi su'o le kojna pe le kevna keiku cu rinka lenu vi le drata kojna le canre cu co'a farlu le kevna fi'o steba mutce le lobypli .enaiku'i ko'a  .i fau ro lenu go'i keiku ko'a fi ko'e cu cusku fe «lu doi lobypli do'u na vajni fa lenu le canre cu farlu vi leva kojna keiku ki'u ledu'u mi ka'e rapli kakpa  .i ko catlu levi kojna noi ca'o xagmau  .i ko zenba kakpa ja'e le prane kevna 

ni'o ku'i bazaku so'o le lobypli cu co'a tatpi lenu ca'o kakpa  .i le go'i goi ko'e .uodai cu jinvi ledu'u le kevna noi jai jalge lenu zu kakpa kei cu banzu lenu xabju ce'u  .i ko'e fi ko'a cusku fe «lu .e'u doi la pamoi do'u le kevna cu mulno .uisai  .i ko sisti lenu kakpa kei gi'e salci  .iku'i ko'a ba'e na jinvi ledu'u mulno  .i ko'a na djica lenu ko'a joi ko'e da'i salci  .i ko'a zenba kakpa  .ije ke'u le canre cu farlu  .ije ke'u ko'e cu steba mutce 

ni'o ko'e fe ko'a cu cusku fe «lu doi la pamoi do'u mi zasti djica lenu mi sisti lenu kakpa  .i mi djica lenu ba'e cpare .ausai  .i .e'o sisti gi'e cpare kansa mi li'u»  .iku'i ko'a na djica gi'e zenba kakpa gi'e zenba gasnu lenu le canre cu farlu .e lenu le kevna cu na'e mulno lenu se xabju

ni'o «lu doi la pamoi do'u sei ko'e cu pikci cusku ko catlu ro le naljbo noi puco'a cpare leva cmama'a  .i le pacna mu'a cu galtu .u'adai  .ije ro le drata py. jersi  .i mi ji'a cpare le cmama'a .e'u sai li'u»  .iku'i ko'a fi ko'e spuda cusku fe «lu na go'i  .i na tcika lenu cpare kei pu lenu le kevna cu mulno  .ije ri na'e mulno li'u» 

ni'o vajni fa ledu'u djuno ledu'u ko'a pacna to ca lenu da'i le kevna cu mulno toi lenu klama le cmana poi mutce co zmadu le cmama'a noi se cpare le naljbo 

ni'o ca lezo'e djedi ko'e .uinaidai.u'inaidai sisti lenu kakpa gi'e jdice ledu'u co'a ba'e xabju le kevna gi'e cpare  .i «lu ju'i lobypli sei ko'e kixsku ko kansa cpare li'u»  .i ko'a ku'i ge zenba kakpa gi zenba gasnu lenu le canre cu farlu  .i mu'i tu'a la'edi'u ko'e sutra co kakpa le cnino kevna sepi'o le tolci'o se platu be ko'a bei lenu kevna be'o  .ije ko'e cusku «lu ca'e lemi kevna cu mulno  .i ca'e mi caco'a cpare .u'o li'u»

ni'o ko'a co'a ba'e mutce co fengu  .i ko'a .o'onaidai cusku «lu mi na'e curmi lenu do pilno lemi platu  .i do zerle'a li'u»  .i ko'a mi'ecpe lenu la'edi'u se pajni  .ije le pajni cu jdice ku'i lenu ko'e curmi lenu xabju leko'e kevna

ni'o caca'o ku so'u le lobypli cu zvati leko'a kevna gi'e kakpa vau .uinai  .iku'i so'i le lobypli cu xabju le kevna pe ko'e goi mi'o gi'e cpare tu'u

ni'o .u'u mi birti lo du'u mi tolmo'i so'o lo vajni fatci  .i mu'a pe'i ru'e zo'e srana lo lojbo zbabu vau .uanai .u'u  .i pe'a ja'o mu'o tcika lo nu kakpa  .i pe'a tcika lo nu ba'e cpare

Oldtimers please don't kill me ;)

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban?hl=en.
For more options, visit https://groups.google.com/groups/opt_out.