[Date Prev][Date Next][Thread Prev][Thread Next][Date Index][Thread Index]

Re: [lojban] nu tugni la .guskant. [to pu cmene fa lu lo si'o tertidyfingri, joi lo srana be ri li'u]



On Sat, May 21, 2016 at 9:17 AM, selpahi <seladwa@gmx.de> wrote:
la .guskant. pu ciska di'e

i la gleki cu livgau mi lo lojbo cecmu ije so'i lo se jbobau cu sarji lo nu la gleki za'o vliraitru lo catni kibystu jo'u lo catni smitra jaspu
(to lo nu smaji cu dunli lo nu sarji kei ma'i mi toi)

.i'a .i ĭe lo nu smaji cu simsa lo nu sarji .i la'a dunli ji'a

y mi na smaji ki'u lo nu mi sarji .i mi smaji ki'u lo nu mi na djica lo ka jinvi fi lo poi'i mi na jimpe fi ke'a 
 
.i pe'i no da ba'e *djica* lo nu do cliva

li'a sai
 
.i lo nu tai se vajni lo nu la gleki cu mo kau cu simsa lo nu dunda lo kamvlipa la gleki

ie .i mi so'i roi jai se xusra fai lo ka pilno lo na'e lojbo .i ka'e fanza .i ku'i na tai vajni .i vajrai fa lo du'u ba'e do jinvi ma kau lo bangu be do .i lo nu lo drata cu zanru cu pluka gi'e ku'i vipsi

.i do djica lo nu la gleki co'u .admine lo ŭitki .i da'i ma basti ra .i mi xebni lo nu la gleki ge ze'u pu gunka tu'a lo ŭitki, soi banli, gi ku'i ca poi'i so'o da co'a jinvi lo du'u lo nu vimcu ke'a cu sarcu .i mi badri lo nu lo tcini pu tai farvi .i la'a do jinvi lo du'u .y la gleki ki'u lo nu ri pu livgau do cu za'e mardyjerna lo ka ce'u ji'a se livgau noi'a nu xrudu'a .i fegli mi .i zu'u nai lo nu zukte no da poi'o'a tolju'i be lo nabmi cu poi'i ke'a ji'a na xamgu

.i xu su'o da kakne lo ka drani pajni .i ma traji lo ka xamgu xo kau jbopre .i ma traji lo ka xamgu lo jbobau

.u'u pe'i mi na kakne lo ka drani pajni .i mi jimpe lo du'u la guskant cu se cnixai lo nu la gleki cu catni simsa tolzau lo bangu be la guskant .i mi stidi fi la guskant fe lo nu na jundi lo nu la gleki cu jinvi ja xusra ma kau .i mi birti lo du'u so'e jbocre cu kakne lo ka sevzi pajni lo du'u ma kau zabna lojbo

mu'o mi'e xorxes

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.