sei la solpanzi cu cusku se'u —
la .guskant. pu ciska di'e
sa'u tu'a la gleki noi vliraitru cu mukti lo nu mi jdice lo du'u mi finti no boi remoi be lo porsi no'u la bripre jikca
i la gleki cu livgau mi lo lojbo cecmu ije so'i lo se jbobau cu sarji lo nu la gleki za'o vliraitru lo catni kibystu jo'u lo catni smitra jaspu
(to lo nu smaji cu dunli lo nu sarji kei ma'i mi toi)
.i'a .i ĭe lo nu smaji cu simsa lo nu sarji
ie toi'e i'i i se mu'i bo mi na smaji zgana
.i la'a dunli ji'a .i mi zo'u mi tugni do lo poi'i do xusra ke'a la gleki
.i je mi djica lo nu do djuno .i ga'a mi so'e jbopre na pu je'a zgana lo pu fasnu
ei ei dai ro da djuno i xamgu fa lo nu djuno iau ie pei
(to ka'e pa mei lo krinu be lo nu LLG ca'o zukte no da lo nu xagzengau lo tcini toi) .i ku'i mi krici lo du'u mi jimpe lo du'u do lifri ma kau
mi jimpe je to'e jimpe i pe'i no da fanta lo nu gy se goi la guska'u di'a jbozabna
.i pe'i no da ba'e *djica* lo nu do cliva .i la'a fatci fa lo nu la gleki do pu livgau
livgauzu'e i zukte lo vrici ja'e tu'a lo cabna tcini be gy
.i ku'i pe'i ge nai ri gi nai su'o drata be ri cu vlipa lo ka ba'e *livbai* su'o jbopre .i do na nitcu lo ka tinju'i lo jai nu fenki jo'a fa la gleki
.i lo nu tai se vajni lo nu la gleki cu mo kau cu simsa lo nu dunda lo kamvlipa la gleki
i ke'u no da fanta lo nu di'a jbozabna
i ko li no cu gleua tu'a lo geknomcabna — sei rimni
.i xanri ku'i .i ka'e nandu fa lo ka co'u krici lo xanri .i mi se slabu lo se cinmo be do (to mi krici toi) .i nandu mi ji'a fa lo ka co'u se vajni lo du'u lo malcladu pe lo cecmu cu xusra ma kau
mi kosmycau jivna la gleki i ga je ri na facki fi lo se zukte be ri gi mi tatpi binxo
.i ku'i la gleki du'e roi pu je za'o ca'o di'i jarco lo ka je'a nalkakne lo ka racli spuda gi'a jimpe
m——— i le tordu spuda pe gy cu zanzabna sa'u (to ko se xanri lo nu mi bacru xoi voksa gapru pe'a suksa toi)
.i do djica lo nu la gleki co'u .admine lo ŭitki .i da'i ma basti ra .i mi xebni lo nu la gleki ge ze'u pu gunka tu'a lo ŭitki, soi banli, gi ku'i ca poi'i so'o da co'a jinvi lo du'u lo nu vimcu ke'a cu sarcu .i mi badri lo nu lo tcini pu tai farvi
go'i ra'o i ku'i ga ba'e joi lo zabna gi lo mabla vu'o pe la gleki cu ei jai se pajni
.i la'a do jinvi lo du'u .y la gleki ki'u lo nu ri pu livgau do cu za'e mardyjerna lo ka ce'u ji'a se livgau noi'a nu xrudu'a .i fegli mi .i zu'u nai lo nu zukte no da poi'o'a tolju'i be lo nabmi cu poi'i ke'a ji'a na xamgu
mi ji'a se cfipu i lo nu zukte da kau cu nu fegygau
.i xu su'o da kakne lo ka drani pajni .i ma traji lo ka xamgu xo kau jbopre
.i ma traji lo ka xamgu lo jbobau
~~~mi'e la selpa'i