mi djica ge lo du'u vimcu lo ka vlipa lo catnu kibystu jo'u lo catni smitra jaspu kei la gleki
ginai lo du'u livgau la gleki lo jbocecmu
i je'u la'e di'u se mukti lo nu la gleki ku po'onai cu livgau mi
i ku'i lo di'u se djica be mi cu sarcu ji'a lo nu lo turni girzu cu kanro kei
i ki'u bo lo du'u la gleki ca vlipa lo catni kibystu fa'u lo catni smitra jaspu cu se jdice ge la camgusmis fa'u la lindar ginai lo girzu
i sa'u kalsa fa lo nu no da javni lo nu jdice lo du'u ma kau vlipa lo catni co'e
i ma'i mi lo na'e stace be mu'u la gleki ku noi vimcu lo citri datni poi jarco lo ka zekri kei po vo'a cu na'e mapti lo ka vlipa lo catni co'e
i mi xusra po'o lo du'u vimcu lo ka vlipa kei la gleki ije pu'e lo kanro lo girzu cu jdice lo du'u makau vlipa lo catni co'e
i ganai da'i lo kanro pruce cu se jalge lo nu la gleki ba za'u re'u vlipa lo catni co'e
gi mi na pante
i mi so'o roi cusku lo se du'u go'i kei lylygy ije ku'i roda krici po'o lo du'u da'i mi xrudu'a lo xlali la gleki
i je'u mo'a da pensi lo nu lo girzu cu bilma lo nu la gleki cu vliraitru
i jalge fa po'o lo nu lo cecmu cu cirko lo finti be la bripre jikca kei noi to'e vajni so'a da
i no na'e bo mi cu se xrani iau o'udai