Re: [lojban] nu tugni la .guskant. [to pu cmene fa lu lo si'o tertidyfingri, joi lo srana be ri li'u]

[mezohe <wow.jvs@gmail.com>]

ti'e lo ka smaji cu ka zanru .i ja'o .ai mi ca de'a smaji

ni'o pu ku je ca lo nu la .guskant. co'a pante tu'a lo pante be la 
zantufa cu simlu fi mi fa lo nu frati kei lo ka lo ni ke'a tsali na 
mapti lo tcini .i fadni fa lo nu lo cnino bankle cu jai jenca gi'e jai 
se pante .i su'a lo remna so'i roi na racli .i (to se'o toi) lo ka nutli 
na'o na se zmiku gi'e se zukte .ei

ni'o ku'i ze'a lo temci ze'ai li'armi fa lo nu la gleki cu fau gi po'o 
nai zengau lo me ri moi ku pe lo bankle je pe lo ctucku lo ka mapti la 
du'u banzu frica gi ji'a so'o roi troci lo ka gau ce'u jetmlu fa lo du'u 
ri no roi pu zukte lo jai se pante ka  .i ro moi lo mupli fa lo se mrilu 
be ca lo prulamdei bei ti'u li 5:35 .i xu nai tolstace .i soi ro ma'a 
djuno se'u la'au La Bangu li'u ge pu se skicu G fo lo ka cabysarxe klesi 
lo jbobau gi jai jicmu la janli nunctu .i ca'e mi cpedu fi la gleki fe 
lo ka piksku fo lo bi'u nai nu tarti .i ti'e soi'a G jinvi cu jitfa fa 
tu'a lo te fuzyxu'a .i ku'i ji'u ma

ni'o lo uitki je lo drata pruce pe lo ri samse'u zo'u pe'i lo nu ca ba'e 
ti gasnu lo nu la gleki co'u vlipa na sarcu .i so'a lo zekri na jai se 
sarcu lo nu .admine .i va'o lo ji'a nu na vlipa tu'a lo uitki cu zifre 
lo ka xusra lo jai se djica .i zifre lo ka stika lo uitki papri .i zifre 
lo ka stidi fi lo nintadni fe lo me vo'a moi .i xlali pe'i fa lo nu lo 
ro voi ge ru'i jundi lo jbogu'e gi se slabu pi so'i lo ciste co'u vlipa 
lo ka kurji ri .i ku'i ie ko'oi LLG ba zi fau gi jarco lo ka catni gi 
cuxna su'oi cnino fo lo ka vlipa

ni'o zu'u nai pe'i ja'a iancu lo ka co'u sazri lo jaspu pe la tu'itre .i 
li'a lo te pilno be lo jaspu be G na ka je'a krati LLG ja su'o drata 
lojbo catni .i lo lojbo jaspu poi srana lo ba'e prenu cu raunzu sai lo 
ka xo kau mei kei lo ka basti lo na'e mabla pe lo catni smitra jaspu

mu'o mi'e di'a smaji

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.