Re: [lojban] Re: mi kakne lo bajra

[Jorge Llambías <jjllambias@gmail.com>]

On Mon, Nov 1, 2010 at 7:53 PM, Luke Bergen <lukeabergen@gmail.com> wrote:
> .uanai .i ki'u ma do jinvi tu'a zo pilno .i lo nu mi djica da kei smuni ma
> .i va'o lo nu da du lo gerku kei mi djica lo nu ponse da .ije va'o lo nu da
> du lo plise kei mi djica lo nu citka da .ijesai va'o lo nu da du lo cinse
> cinri ninmu kei mi djica lo nu gletu da .i xu do jinvi lo du'u zo pilno
> mintu zo ponse .e zo gletu .u'i

.i do tolmo'i fi lo te djica
.i do djica lo plise lo nu citka ri .i do djica lo cinse cinri ninmu
lo nu gletu ri .i je'u pei do djica lo gerku lo nu ponse ri .i .e'u ko
djica lo gerku lo nu ri pendo do

no'i ie zo pilno cu milxe lo ka nalsatci .i ku'i ko pensi lo sidju
ji'a .enai lo tutci po'o .i ko'a djica ko'e ko'i .i ko'a jinvi lo du'u
ko'e sidju ko'a ko'i

mu'o mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.