Re: [lojban] Re: 4 independent "vocabularies" is the biggest problem of lojban.

[iesk <pa.fae@gmx.de>]

.i la selpa'i ku cusku di'e
>.i'e sai .i .i'o melbi skicu .i ji'a citri lisri

.i ki'e do .i pe'i dukse co clani lo valsi sei xu zo ‹clani› lo si'o lisri cu mapti

.i sy. cusku di'e
>ni'o ta'o .a'u cpare fi ma .i mi sruma lo du'u da'i cpare fi lo gapru be
>lo cmana .i xu drani (to ju'o cu'i na vajni mutce .i ku'i mi kucli toi) 

.i drani  .i ru'e lo broda be lo cmana cu krati lo ka ba'e mulno bangu sei ki'a zo ‹broda› zo ‹drudi› .a zo ‹stedu› cu basti  .i zo ‹pacna› cu cmene lo selbau be la .esperanton. goi la pa'arbau  .i lai pacna cu galtu mutce ni'i lo du'u la pa'arbau cu mulno mutce  .i za'a zo'o ru'e lo nu kakpa .e lo nu cpare cu vajni lo lojbo

.i sy. cusku di'e
>.i lo jbobau zo'u: lo nu cpare cu krati ma .i xu krati lo nu pilno lo jbobau 

.i pe'i krati lo nu mi'o mu'orgau jy. .e lo nu jy. ca'o binxo lo zasti bangu  .i ja'aku go'a lo nu pilno lo jbobau keiku ie

.i sy. cusku di'e
>ni'o ta'o mi zanru zei mutce lo nu do lojbo mrilu 

.i mi la'e di'u go'i vau .u'i ui  .i ku'i ra mi nandu

ni'o mi djica lo nu zi'o birti lo du'u mi ba'e na'e ba'e finti lo bi'u nai ranmi  .i po'o mi za'e lebna ry. gi'e nalcre zbasu lo xalbo lisri lo pagbu be ry  .i lo lisri zo'u: mi nalcre ji'a troci lo nu tavla fo za'e lo clira cabna bo lojbo goi la'e zoi zo'o. Frühneulojban .zo'o

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban?hl=en.
For more options, visit https://groups.google.com/groups/opt_out.