[Date Prev][Date Next][Thread Prev][Thread Next][Date Index][Thread Index]

Re: [lojban] lo lisri pe la .norman. zi'e pe lo si'o nunjikca lisri




ni'o la ŭakci di'e pu ŭasku
-- lu fau'u do .i sa'u do na sanji lo du ti poi dargu cu se cmene ma kau li'u -- se skuna ty. noi degja'o lo sinxa tanbo .i ny. ze'i cai facki tau lo se ciska no'u lu ckasu li'u je ja'e bo nalfengu binxo .i ty. -- lu .i mi dainmo lo ka badri kei tau lo vi xabju .i ru'i ckasu cusku li'u -- skuna je ba bo cu ze'i denpa .i -- lu ti'e lo nu da nunckasu dargu cu sarcu lo nu lo pifstu cu zasti .i lo se pifstu cu jai se fanta fai lo ka cliva kei lo nu la ckasu cu se jinzi tau su'o makfa li'u
    ni'o la .norman. cu se cinri sai tinju'i tau lo selsku be ty .i zilzdi fi'o te raunzu lo nu na zgana lo ka rau va'e jbikla py .i py. barda je cu grusi .o'u nai dai .i ny. ze'i co'a je ze'a ca'o ganse lo ka tcelenku co cinmo rinka .i lo nunga'e joi nuncta cu se dicra tau
-- lu mi'o tsuku .i ko ve'i denpa .i .ai mi nupryzu'e fi lo nu do snura li'u .i ty. cu za'a dai ricfu tavla lo vorme mlana .i ny. se tolpu'a lo nu skuna zo ve'i je ba'ei nai zo ze'i .i ganse tau lo barda ditcu .i ganse lo li'i lo jamfu cu sercpare ve klama fo so'i manti
    .i lo nunde'a cu jai dukse fi ny. noi zgana lo du lo nu ty tavla cu temci clani .i ny jdice ...

[to'i xu jdice lo ka nonseka litru poi'a se toltinbe .i xu jdice lo ka stali poi'a tolzdi .i ba'e *do* jdice lo du ma kau fasnu .i .e'e do ve'i si ze'i jitro ny
-- mi'e .cit. si .uak. mu'o toi]

.i ny jdice lo du'u ny fau lo nu denpa cu muvgau lo tuple je cu tcila zgana lo vanbi .i «lu va'o ro da ty pu nupre lo du'u snura .i ji'a .ai nai mi klama lo darno li'u» se pensi ny

[to'i mi'e dicra be lo nu nonfau mu'o toi]


--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.