mi tugni do lo du'u ro lo nu casnu bau la lojban cu xamgu lo jbopre .i mi ta'e manci lo nu lo jbopre di'i penmi bu'u la irk gi'e ku'i ta'e tavla fo la gliban po'o .i ju'ocu'i lo fasnu ba'e puza ckaji la'e di'u .i la'acu'i na jetnu caku .i mi badri lo du'u noda mansa do tu'a lo do nu talsa
ni'o to pe'i do nitcu lo setca zo kei lo lidne be zo ka'e be te di'o lu
se gu lo nu darlu ka'e plixau gi pe'i ta'e xagmau fa lo nu tavla fo lo lojbo li'u toi
ni'o lo so'e ca brojda nunsla cu gasnu lo nu mi tolcando .i ji'a lo zu'o lo gunka cu cikre lo mi dizlo dijysenta lo nu tolcko lo djacu keikei cu go'i .i lo go'i cu ji'a gasnu lo za'i mi pindi zo'onai
.i mi pacna lo nu mi ba se srana lo mutce cinri lisri
--gejyspa
On Wed, Aug 29, 2012 at 9:34 AM, selpa'i
<seladwa@gmx.de> wrote:
coi ro do
ni'o se gu lo nu darlu ka'e plixau gi pe'i ta'e xagmau fa lo nu tavla fo lo lojbo .i .ai lo dei selskucilta cu jai bu'u tavla fo lo lojbo po'o .i ba'a ro da se prali
ni'o .e'a ro da te tavla .i lo nu ma kau te tavla na vajni mutce .i lo nu ba'e *pilno* lo lojbo cu vajni ralju .i ru'a .i'u so'i do ba se nandu lo nu pensi lo da'i te tavla .i se mu'i bo mi stidi la'e di'e .i ma traji lo ka cinri selfri do kei lo ro selfri pe lo do nunjmive .i mu'a xu do ba'o plipe fi lo vofli vinji .i ma do li'i pa re'u penmi lo do se prami .i do ma senva .i si'a co'e li'o
ni'o li'a ro do jai se curmi fai lo nu cnegau lo se casnu .i ke'u ga nai lojbo gi xamgu
ni'o .a'o su'o do se cinri la'e di'u
mu'o mi'e la selpa'i
--
pilno zo le xu .i lo dei bangu cu se cmene zo lojbo .e nai zo lejbo
^:i \jl /flr sen |ziu \su xn go kror
^:i \sym tfn /zu viw \xn jy ^jaiw
--
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.